Túrkııa men Sırııa saýda kólemin 3,75 mlrd dollarǵa deıin arttyrdy
ASTANA. KAZINFORM – Túrkııa men Sırııa arasyndaǵy saýda kólemi 2025 jyly 42%-ǵa ósip, 3,75 mlrd dollarǵa jetti, dep habarlaıdy Kazinform agenttiginiń Ankaradaǵy menshikti tilshisi.
Túrkııanyń saýda mınıstri Omer Bolattyń Túrkııa men Sırııanyń sheneýnikteri, depýtattary jáne bıznes ókilderi qatysqan Aleppodaǵy iskerlik kezdesýde málimdeýinshe, sońǵy aıda eki eldiń úsh mınıstrlik kezdesý ótkizgenin, nátıjesinde ekijaqty ekonomıkalyq yntymaqtastyqta aıtarlyqtaı ilgerileýshilikke qol jetkizilgen.
Mınıstr atap ótkendeı, Ankara Sırııany qalpyna keltirýge jáne onyń ekonomıkalyq turaqtylyǵyn nyǵaıtýǵa múmkindiginshe tolyq qatysýǵa tyrysyp otyr. Onyń aıtýynsha, 2024 jyldyń 8 jeltoqsanynda burynǵy rejım qulaǵannan beri Sırııa táýelsiz memleket qurýdy tabandylyqpen jalǵastyryp keledi.
- Sırııa bıligi sanktsııalar men Izraıldiń úzdiksiz áskerı qysymyna qaramastan memlekettik qurylymdar men ekonomıkany ártúrli salalarda qalpyna keltirip otyr, - dep atap ótti Omer Bolat.
Osyǵan deıin Túrkııa jáne taǵy 11 el Izraıldiń Sırııadaǵy áskerı bazaǵa jasaǵan soqqysyn aıyptaǵanyn jazdyq.
