Túrkııa men Sırııa Damaskide birlesken ýnıversıtet ashýǵa kelisti
ASTANA. KAZINFORM – Túrkııa men Sırııa joǵary bilim salasyndaǵy yntymaqtastyqty keńeıtýge ýaǵdalasty. Eki el Damaskide Sırııa–Túrkııa birlesken ýnıversıtetin ashý týraly memorandýmǵa qol qoıdy, dep habarlaıdy Kazinform agenttiginiń Ankaradaǵy menshikti tilshisi.
Túrkııanyń Joǵary bilim keńesi (YÖK) men Sırııanyń Joǵary bilim jáne ǵylymı zertteýler mınıstrligi ózara túsinistik týraly memorandýmǵa qol qoıdy.
Qujat Damaskide Sırııa–Túrkııa birlesken ýnıversıtetin qurýdy kózdeıdi.
Memorandým joǵary bilim, ǵylym jáne tehnologııa salalaryndaǵy yntymaqtastyqty nyǵaıtýdy da qamtıdy.
Taraptar akademııalyq almasýdy damytýǵa, birlesken bilim berý baǵdarlamalaryn iske qosýǵa jáne ǵylymı jobalardy júzege asyrýǵa kelisti.
Sondaı-aq sırııalyq joǵary oqý oryndarynyń tsıfrlyq ınfraqurylymyn damytýǵa qoldaý kórsetilip, dıplomdardy ózara taný tetikteri pysyqtalady.
Budan bólek, kelisimge sáıkes Túrkııa men Sırııa ýnıversıtetteriniń jyl saıynǵy forýmyn ótkizý josparlanyp otyr.
Eki eldiń joǵary oqý oryndary arasynda seriktestik baılanystardy keńeıtýge de basymdyq beriledi.
Jańa ýnıversıtetti ashý úshin Túrkııa men Sırııada qajetti quqyqtyq baza ázirlenip, barlyq zańdyq rásimder aıaqtalýy tıis.
Buǵan deıin Túrkııa, Saýd Arabııasy jáne Pákistan qorǵanys týraly úshjaqty kelisimge qol qoıǵan bolatyn.
