Túrkııa men Reseı prezıdentteri «Akkýıý» AES-niń 3-blogy qurylysyna bastaý berdi

MERSIN. Anadoly-TASS-QazAqparat – Sársenbi kúni Túrkııanyń Mersın provıntsııasynda «Akkýıý» Atom-elektr stantsııasynyń úshinshi energoblogynyń fýndamentin qalaý rásimi ótti. Oǵan vıdeokonferentsııa rejıminde Túrkııa jáne Reseı basshylary Rejep Taıyp Erdoǵan men Vladımır Pýtın qatysty, dep habarlaıdy QazAqparat.

Anadoly agenttiginiń jazýynsha, Túrkııanyń Energetıka mınıstri Fatıh Donmez «Akkýıý» AES jobasy Túrkııa Respýblıkasy tarıhyndaǵy eń iri energetıkalyq joba dep atady. Onyń aıtýynsha, AES qyzmeti 60 jylǵa eseptelgen. Bul, qorshaǵan ortaǵa zalaldy azaıtýǵa jáne Túrkııanyń elektr energııasyna suranysynyń 10 paıyzyn jabady. Joba tolyq qýatyna shyqqanda AES-te 4 myń adam jumys isteıtin bolady.

TASS agenttiginiń habarlaýynsha, Jerorta teńiziniń jaǵalaýynan oryn tepken «Akkýıý» AES-in «Rosatom» memlekettik korporatsııasy salyp jatyr.

Reseı Prezıdenti Rosatom atalmysh AES qurylysynda anaǵurlym zamanaýı ári senimdi tehnologııalardy paıdalanýda. «Beıbit atom salasynda moıyndalǵan kóshbasshy bolyp tabylatyn Rosatom stantsııa qurylysy barysynda anaǵurlym ozyq ınjenerlik sheshimderdi, ekonomıkalyq tıimdi jáne senimdi tehnologııalardy qoldanyp otyr. Bul rette, qaýipsizdiktiń eń joǵary standarttary men tabıǵat qorǵaýdyń eń qatań talaptary saqtalýdy», - dedi V.Pýtın.

RF basshysynyń sózinshe, qazir qurylys alańyndaǵy personal sany 8 myńnan asyp jyǵylady. Olardyń deni – túrik azamattary. «Akkýıý AES-inde bolashaq stantsııanyń tehnıkalyq personalyn oqytý boıynsha Rosatom ortalyǵy jumys istep tur. Al reseılik JOO-larda Túrkııa úshin ınjener-atomshylar daıarlanýda»

Eske salaıyq, Mersın provıntsııasynda «Akkýıý» AES-in salý jáne onyń eksplýatatsııasy boıynsha yqpaldastyq jónindegi Reseı men Túrkııa arasyndaǵy úkimetaralyq kelisim 2010 jyly jasalǵan bolatyn.

Atom-elektr stantsııasy árqaısysy 1200 MVt-ty quraıtyn 4 energobloktan turady.

1-energoblogtyń fýndamenti Mersın provıntsııasynyń Gıýlnar aýmaǵynda 2018 jyldyń 3 sáýirinde qalandy, al ekinshi energoblok – 2020 jyldyń sáýirinde.

Al 3-energobloktyń qurylysyna lıtsenzııa ótken jyldyń qarasha aıynda berilgen.

«Akkýıý» AES «sal – ıelik et – eksplýatatsııala» modeli boıynsha iske asyrylyp jatqan álemdik atom salasyndaǵy alǵashqy joba.

AES-tiń 1-energoblogyn Túrkııa Respýblıkasynyń 100 jyldyǵy atap ótiletin – 2023 jyly iske qosý josparlanǵan. Qalǵan 3 blok 2026 jylǵa deıin arasyna bir jyl salyp, qyzmetine kirisetin bolady.

«Akkýıý» atom-elektr stantsııasy qorshaǵan ortaǵa zııandy parnıkti gazdardy bólmeıdi, shyǵaryndylar mqlsheri nólge teń bolady.