Túrkııa men Polshaǵa qalaı jáne qashan ushýǵa bolady

NUR-SULTAN. QazAqparat - Qazaqstan Respýblıkasynyń aýmaǵynda koronavırýstyq ınfektsııanyń paıda bolýy men taralýyna jol bermeý jónindegi vedomstvoaralyq komıssııanyń sheshimderine sáıkes Túrkııa men Polshaǵa turaqty jolaýshylar reısteri ashyldy.

Bul týraly QazAqparat QR Indýstrııa jáne ınraqurylymdyq damý mınıstrligi Azamattyq avıatsııa kómıtetiniń baspasóz qyzmetine silteme jasap habarlaıdy.

Búgingi tańda Qazaqstan men Túrkııa arasynda «Eır Astana», «SCAT», «Fly Arystan», «Turkish Airlines» jáne «Pegasus» áýe kompanııalary aptasyna 37 reıs oryndaıdy.

Atap aıtqanda:

– Nur-Sultan-Ystanbul, 6 reıs (Eır Astana – B737 áýe kemesimen dúısenbi, beısenbi jáne senbi kúnderi 3 reıs, Turkish Airlines – A320N áýe kemesimen dúısenbi, sársenbi jáne beısenbi kúnderi 3 reıs);

- Nur-Sultan-Antalıa, 2 reıs (Eır Astana – A320 áýe kemesimen seısenbi jáne juma kúnderi 2 reıs);

- Almaty-Ystanbul, 10 reıs (Eır Astana – A321 áýe kemesimen dúısenbi, seısenbi, juma, senbi jáne jeksenbi kúnderi 5 reıs, Turkish Airlines - B737 áýe kemesimen dúısenbi, seısenbi, beısenbi, senbi jáne jeksenbi kúnderi 5 reıs);

- Almaty-Antalıa, 7 reıs (Eır Astana-A321 áýe kemesimen dúısenbi, sársenbi, senbi jáne jeksenbi kúnderi 4 reıs, Turkish Airlines – B737 áýe kemesimen seısenbi jáne juma kúnderi 2 reıs, Pegasus-B737 áýe kemesimen aptasyna 1 reıs);

- Shymkent-Ystanbul, 1 reıs (SCAT – beısenbi kúnderi B737 áýe kemesimen 1 reıs);

- Aqtaý- Ystanbul 5 reıs( SCAT – B737 áýe kemesimen seısenbi, juma jáne jeksenbi kúnderi 3 reıs, Turkish Airlines-A321 áýe kemesimen seısenbi jáne juma kúnderi 2 reıs);

- Aqtóbe-Ystanbul, 2 reıs (SCAT – sársenbi jáne senbi kúnderi B737 áýe kemesimen 2 reıs);

- Túrkistan-Ystanbul, 4 reıs (Fly Arystan – A320 áýe kemesimen juma jáne jeksenbi kúnderi 2 reıs, Turkish Airlines – B737 áýe kemesimen aptasyna 2 reıs sársenbi jáne senbi kúnderi).