Túrkııa men Ózbekstannan temekini kontrabandalyq jolmen tasymaldaýshylar ustaldy

NUR-SULTAN. QazAqparat - Qarjylyq monıtorıng agenttiginiń qyzmetkerleri 2020 jyly kedendik maǵlumdaýsyz kalıanǵa temekini zańsyz ákelýdiń eki dereginiń jolyn kesti, dep habarlaıdy QazAqparat agenttiktiń baspasóz qyzmetine silteme jasap.

Birinshi derek Túrkistan oblysynda anyqtaldy.

Kalıanǵa arnalǵan temeki tıelgen kólik quraldary Ózbekstannan Qazaqstanǵa «Qaplanbek» keden beketi arqyly jetkizildi.

EAEO shekarasyn kedergisiz kesip ótý maqsatynda avtomashınalar taýarsyz bos kólik quraldary retinde qujattalǵan.

Bul rette, avtomashınalarda kontrabandalyq júk boldy, ol kedendik baqylaýsyz jáne maǵlumdaýsyz ákelindi.

Qylmystyq shemany uıymdastyrýshy Q.Burhanovqa 555 myń teńge mólsherinde aıyppul salyndy, sondaı-aq buryn zańsyz ótkizilgen taýarlar úshin 255 mıllıon teńge óndirip alyndy.

Ekinshi jaǵdaıda Reseı Federatsııasynyń azamaty Kafarov Ilham Mısır Ogly «povıdlo» túrinde Túrkııadan kalıanǵa temeki ákelmek bolǵan.

Oǵan 4,1 mıllıon teńge aıyppul taǵaıyndaldy.

Jalpy somasy 133 mıllıon teńgeden asatyn eki derek boıynsha tárkilenip alynǵan temeki joıyldy.