Túrkııa men Qazaqstan arasyndaǵy fýtbol matchynyń Ystambuldan beriletin kórsetilimi bolmaıdy
ASTANA. 2 qyrkúıek. QazAqparat /Gúlnár Jandaǵulova/ - "Qazaqstan" UTA "EÝRO - 2012" irikteý týrnıriniń kórsetilimi bolmaıdy, dep habarlady «Qazaqstan» telearnasynyń saıty.
«2011 jyldyń 2-shi qyrkúıegi saǵat 22.50 ge josparlanǵan «EÝRO - 2012» irikteý týrnıriniń aıasynda Túrkııa men Qazaqstan arasyndaǵy oıynnyń Ystambuldan beriletin kórsetilimi bolmaıtynyn habarlaımyz», delingen taratylǵan habarlamada.
««Qazaqstan» UTA uzaq ýaqyt boıy osy kezdesýdiń TV lıtsenzııasyn satyp alý maqsatynda barlyq múmkúndikti júzege asyrýǵa tyrysty. Lıtsenzııa quqyǵyn ıelenýshi kompanııa (SPORTFIVE) óziniń quqyq ıelenýshi ekenin jáne ony QR aýmaǵynda «Qazaqstan» UTA arqyly habar taratý múmkúndigine paıdalanýǵa bolatynyn rastap keldi.
Alaıda, olar atalmysh kezdesýdiń QR aýmaǵynda kórsetýge quqy joq ekenin alǵa tartyp, lıtsenzııa satyp alýǵa qarsylyǵyn bildirdi.
Bolǵan jaǵdaıdy basshylyqqa alǵan «Qazaqstan» UTA sońǵy sátke deıin Túrkııadaǵy áriptesterimen kelissózder júrgizý arqyly, sýb-lıtsenzııaǵa quqyǵy bar kompanııadan kórsetilim lıtsenzııasyn 2.09.2011 j deıin satyp alýǵa baryn saldy, biraq másele oń sheshimin tappady», - delingen saıtta.
