Túrkııa men Ázerbaıjan bilim salasynda yntymaqtastyqty nyǵaıtady

ASTANA. KAZINFORM —  Bolashaq oqý ornynyń ǵımaratyn Túrkııa usyndy, qazir onda jóndeý jumystary júrip jatyr. Bul týraly Ázerbaıjannyń ǵylym jáne bilim mınıstri Emın Amrýllaev málimdedi, dep habarlaıdy Kazinform tilshisi. 

— Biz muny qajet dep sanadyq, óıtkeni Stanbulda kóptegen ázerbaıjan azamaty turady. Mektepte túrik jáne ázerbaıjandyq oqý materıaldary qoldanylady, — dedi mınıstr Baký túrik lıtseıiniń jańa ǵımaratynyń ashylý saltanatynda.

Onyń aıtýynsha, bul mektep ázerbaıjandyq balalarǵa ana tilinde, ulttyq rýhta bilim berýge qyzmet etedi ári qos baýyrlas el arasyndaǵy bilim salasyndaǵy yntymaqtastyqty nyǵaıtýǵa mańyzdy platforma bolmaq.

Bul bastama Hankendıde jaqynda ótken ekijaqty kezdesý barysynda qosymsha qoldaý tapty. Oǵan mınıstr Emın Amrýllaev, Túrkııanyń ulttyq bilim mınıstri ıÝsýf Tekın bastaǵan delegatsııa, Ázerbaıjan Prezıdentiniń arnaıy ókiliniń orynbasary Sabýhı Gahramanov jáne Qarabaq ýnıversıtetiniń rektory Shahın Baıramov qatysty.

Іs-sharada taraptar bilim berý salasyndaǵy aǵymdaǵy jobalar men yntymaqtastyqtyń bolashaǵyn talqylap, elder arasyndaǵy bilim baılanystaryn odan ári damytý qajettigin atap ótti. Sondaı-aq Ázerbaıjan men Túrkııa úkimetteri arasyndaǵy bilim salasyndaǵy yntymaqtastyq týraly kelisimge «Qosymsha hattamaǵa» qol qoıyldy.

Tamyz aıynda Hankendı qalasyndaǵy Qarabaq ýnıversıtetinde túrki memleketteriniń VII Túrkologııa jazǵy mektebiniń saltanatty ashylýy ótti.

Buǵan deıin Bakýde Qazaqstannyń 20-dan astam ýnıversıteti qatysqan bilim kórmesi resmı túrde ashylǵan bolatyn.