Túrkııa mektepterinde medıasaýattylyq klýbtary ashylady
ASTANA. KAZINFORM – Túrkııa mektepterinde oqýshylardyń ınternettegi jalǵan aqparatty ajyratyp, túrli manıpýlıatsııalarǵa synı turǵydan baǵa berýi úshin medıasaýattylyq klýbtary ashylady, dep habarlaıdy Kazinform agenttiginiń Ankaradaǵy menshikti tilshisi.
Túrkııanyń bastaýysh, orta jáne joǵary synyptarynda medıasaýattylyq pen aqparattyq saýattylyq klýbtary ashylady. Bul týraly Túrkııa Prezıdenti janyndaǵy Kommýnıkatsııalar basqarmasynyń basshysy Býrhanettın Dýran málimdedi.
Bastama eldiń Ulttyq bilim mınıstrligimen birlesip júzege asyrylady. Joba Dırektorat janyndaǵy Jalǵan aqparatpen kúres ortalyǵynyń aqparattyq-aǵartýshylyq jumysy aıasynda qolǵa alynǵan. Dýrannyń sózinshe, jobanyń basty maqsaty – balalardy tsıfrlyq qaýipten, jalǵan jáne qoǵamdaǵy kelisimge teris áser etýi múmkin aqparttyq naýqandardan qorǵaý.
Departament basshysy mundaı klýbtar arqyly mektep oqýshylary analıtıkalyq oılaý daǵdylaryn damytatynyn, aqparatty tekserýdi jáne manıpýlıatsııalyq mazmundy tanýdy úırenetinin atap ótti. Ol bul balalarǵa tsıfrlyq ortadaǵy aqparatty sanaly túrde qabyldaýǵa jáne jalǵan aqparat taratý áreketterine qarsy turýǵa múmkindik beretinin qosty.
Prezıdent janyndaǵy Qoǵammen baılanys dırektsııasynyń quramynda áleýmettik jelilerdegi uıymdastyrylǵan aqparattyq naýqandarǵa qarsy áreket etý úshin Jalǵan aqparatqa qarsy kúres ortalyǵy quryldy. Onyń negizgi qyzmetiniń biri – ınternette taralyp jatqan negizsiz málimdemelerdi taldaý jáne tekserý.
Buǵan deıin Túrkııa áleýmettik jelilerdegi qylmysqa qarsy baqylaýdy kúsheıtetinin habarlaǵan bolatynbyz.
Aqzat Jıenalına
