01:16, 04 Sáýir 2018 | GMT +5
Túrkııa mektepterinde jalpy túrki tarıhy oqytylmaq
ASTANA. QazAqparat - Túrik keńesi Túrkııa bilim mınıstrine jańa oqýlyq ázirleý jumystarynyń bitkendigin málim etti, dep habarlaıdy Anadoly agenttigi.
Túrkııa ulttyq bilim mınıstrligi orta mekteptiń segizinshi synyptarynda oqý baǵdarlamasyna «Jalpy túrki tarıhy» oqýlyǵyn engizedi.
Sabaqty aldaǵy oqý jylynda Azerbaıjan, Qazaqstan, Qyrǵyzstan, Túrkııa, Ózbekstan jáne Túrkimenstan kiretin Túrkitildes memleketter yntymaqtastyǵy Keńesine qatysýshy elderdegi orta mektepterde oqytý josparlanyp otyr.
Eske sala ketsek, 2014 jyly 22 qarashada Eskıshehır qalasynda Túrki keńesine qatysýshy elderdiń bilim mınıstrleri túrki halyqtarynyń tarıhy boıynsha biryńǵaı oqýlyq daıyndaý qajettigi jóninde uıǵarymǵa kelgen bolatyn.