Túrkııa mamandary qazaqstandyq qoljazbalardy qalpyna keltirýge atsalysady
ASTANA. KAZINFORM — Qazaqstan men Túrkııa kóne jazba muralardy saqtaý boıynsha tájirıbe almasty.
Qazaqstan Respýblıkasy Ulttyq kitaphanasynda Túrkııa Qoljazbalar ınstıtýtynyń prezıdenti Joshkýn Iylmazben kezdesý ótti.
Basqosýda Ulttyq kitaphana qoryndaǵy XII ǵasyrǵa jatatyn Quran qoljazbasynyń saqtaý jáne qalpyna keltirý baǵytyndaǵy máseleler talqylandy.
Taraptar túrki-ıslam órkenıetiniń jazba murasyn saqtaý isine aıryqsha mán berip, jıynda kóne jazba murany qalpyna keltirý jáne ǵylymı turǵydan zertteý baǵytyndaǵy Túrkııa tájirıbesi tanystyryldy.
Kezdesý aıasynda kitaphana qoryndaǵy sırek kezdesetin ári qundy jazba jádigerler jınaqtalǵan kórme uıymdastyryldy.
Jıyn qorytyndysy boıynsha taraptar tarıhı-mádenı murany saqtaý salasyndaǵy áriptestikti odan ári damytýǵa nıet bildirdi. Sonymen qatar aldaǵy ýaqytta qoljazbalardy qalpyna keltirý jumystaryna Túrkııanyń bilikti mamandaryn tartý jóninde kelisim jasaldy.
Aıta ketelik Bolǵan ana kesenesinen tabylǵan qundy jádiger Ulttyq mýzeı qoryna berilgen edi.
