Túrkııa LGBT-kontentpen kúresetinin jarııalady
ASTANA. KAZINFORM – Túrkııada 2025 jyl resmı túrde LGBT kontentimen kúres jyly bolyp jarııalandy, dep habarlaıdy Kazinform.
Túrkııanyń Radıo jáne televıdenıe Joǵary keńesi (RTÜK) men eldiń Aqparattyq tehnologııalar jáne kommýnıkatsııalar basqarmasy (BTK) ókilderi Túrkııa Uly Ulttyq Májilisiniń Balalarǵa qatysty zorlyq-zombylyq jónindegi komıtetiniń otyrysynda baıandama jasady. Onda olar eldegi tsıfrlyq qaýipsizdikti qamtamasyz etý úshin qabyldap jatqan sharalar týraly aıtty.
RTÜK tóraǵasy Feızýllah Tedjırlı balalarǵa qatysty zorlyq-zombylyqty talqylaý barysynda memlekettik organnyń túrik telehıkaıalary prodıýserlerimen jumysty jalǵastyryp, «otbasylyq qundylyqtarǵa» nazar aýdaryp, balalarǵa qolaıly kontentti qoldaıtynyn atap ótti. Ol keńestiń áreketinde dástúrli túrik qundylyqtaryna sáıkes keletin mádenı bastamalardy qoldaýǵa basa nazar aýdarylatynyn atap ótti.
Sonymen qatar BTK bas dırektory Abdýlkerım Gıýn retteýshi uıymdar LGBT mazmunyna tyıym salý úshin belsendi túrde jumys istep jatqanyn jáne bul másele boıynsha yqtımal sot protsesterine alańdamaıtynyn tilge tıek etti.
Mundaı bastamalar el ishinde de, syrtynda da pikirtalas týdyrdy, óıtkeni olar sóz bostandyǵyna jáne LGBT qaýymdastyǵynyń quqyqtaryna áser etýi múmkin. Sarapshylardyń pikirinshe, azshylyq quqyqtary men baspasóz bostandyǵyna qatysty pikirtalastar órship turǵan tusta mundaı sharalar Túrkııadaǵy mádenı almasýlarǵa qatań tsenzýraǵa jáne shekteýlerge ákelýi múmkin.
Aıta keteıik, Edil Jańbyrshın QR Parlamenti Májilisi depýtattaryna aqparattyq qysym jasaǵan LGBT ókilderin jazalaý kerek ekenin aıtqan bolatyn.