Túrkııa Qorǵanys mınıstrligi: Bosfor buǵazynda mınaǵa uqsas nysan zalalsyzdandyryldy

ANKARA. Anadoly - QazAqparat – Túrkııanyń Qorǵanys mınıstrligi senbi kúni Bosfor buǵazynda mınaǵa uqsaıtyn nysandy taýyp, zalalsyzdandyrǵanyn málimdedi, dep habarlaıdy QazAqparat Anadoly agenttigine silteme jasap.

«Bosfor buǵazynda tabylǵan mınaǵa uqsas nysandy sý astynan qorǵanys toptary baqylaýǵa aldy. Ony zalalsyzdandyrý úshin áreket jasaldy», - delingen Qorǵanys mınıstrliginiń málimdemesinde.

Jaǵalaý qaýipsizdik bas basqarmasy qaýipsizdik maqsatynda Bosfor buǵazynyń eki baǵytta da kólik qozǵalysyna jabylǵanyn habarlady.