Túrkııa konsýltatsııa úshin Vashıngtonnan elshisin shaqyrtyp aldy
ASTANA. Naýryzdyń 6-sy. QazAqparat - AQSh Kongresi ókilder palatasynyń syrtqy ister jónindegi komıtetiniń «armıandar genotsıdi týraly» qarardy qabyldaýyna baılanysty, Túrkııa Vashıngtonnan óz elshisi Namyk Tandy shaqyrtyp aldy. Túrkııa premer-mınıstriniń keńsesi osyǵan oraı málimdeme jasady,
dep habarlaıdy ITAR-TASS agenttigi.
Qujatta, «jasamaǵandy jasady dep, Túrkııa halqyn aıyptaǵan» AQSh Kongresi ókilder palatasynyń sheshimin Túrkııa úkimetiniń aıyptaıtyny atap kórsetilip otyr. «Bul qarardy jaqtaýshylar, tarıhı faktilerdi jáne bul problemaǵa qatysty tarıhshylardyń kózqarastaryndaǵy qaıshylyqtardy eskermesten, negizsiz, qate jáne saıası astary bar áreketke baryp otyr. Bul sheshimdi aıyptaımyz», dep málim etti premer keńsesinen.
Málimdemede sondaı-aq, barlyq sharalarǵa qaramastan, komıtet qabyldap otyrǵan qarardyń memleketter arasyndaǵy qalyptasqan qarym-qatynasqa zııanyn tıgizetini atap kórsetilgen.
