Túrkııa Konstıtýtsııasyna ózgerister engizýdi kózdep otyr
ASTANA. QazAqparat - Túrkııada basqarýshy «Ádildik jáne damý partııasy» parlamentte prezıdent Redjep Taıyp Erdoǵannyń ókilettigin keńeıtetin eldegi qoldanystaǵy konstıtýtsııaǵa túzetýler engizý týraly zań jobasyna bastamashylyq etýde.Zań jobasyna sáıkes, Túrkııa Frantsııa sııaqty prezıdenttik respýblıka bolady.
Prezıdent Erdoǵan prezıdent bolyp saılanǵannan keıin kóp uzamaı eki jyl buryn osyndaı reforma júrgizý qajettigin aıtqan.
Bul bastamanyń qarsylastary konstıtýtsııany ózgertip, basqarý bıligi bir adamnyń qolyna ótse, jappaı tutqyndaý oryn alǵan shildedegi kóterilis áreketi qaıtalanýy múmkin dep boljaıdy.
Ózgeristi jaqtaıtyndar el basqarý júıesin jeńildetetinin aıtady.
Erdoǵan ózi eger paralament konstıtýtsııaǵa ózgeristi maquldasa, bul másele 2017 jyly referendýmǵa shyǵarylatynyn jarııalady.
Túrkııa Premer-mınıstri Bınalı Iyldyrym konstıtýtsııaǵa engiziletin túzetýler eldi tóńkeris áreketinen qutqaratynyn habarlady.
