Túrkııa kólik eksportyn ulǵaıtýda
Avtomobıl ónimderin eksporttaýshylar qaýymdastyǵy keńesiniń (OİB) basshysy Orhan Sabýndjý 2017 jyldyń sońyna deıin Túrkııanyń avtomobıl sektory shetelge avtomobıl jetkizý kólemin 27 mlrd dollarǵa deıin jetkizip, ótken jyldardaǵy rekordtyq kórsetkishterden asyp túsetindigin habarlady.
Sabýndjý túrik avtoónerkásibiniń eksporttalýy 2008 jyly eń joǵary kórsetkishke jetkendigin eske sala ketti, bul jyly Túrkııa eksportqa 24,7 mlrd dollardyń avtokólikterin shyǵarǵan bolatyn.
«2017 jyl kórsetkishteri barlyq rekordtardan asyp túsetindigine senimdimin», dedi OİB basshysy.
Óıtkeni, bıylǵy jyldyń birinshi jartyjyldyǵynda-aq avtomobıl eksporty 2016 jylmen salystyrǵanda (11 mlrd 734 mln 74 myń dollar) 22,4 paıyzǵa, ıaǵnı 14 mlrd 359 mln 485 myń dollarǵa artqan.
Onyń aıtýynsha, eldegi eksport ólsheminiń jalpy kórsetkishi boıynsha avtomobıl qurastyrý 2017 jyldyń birinshi jartysynda 18,8 paıyzǵa jetti.