Túrkııa qoldanystaǵy lokdaýn sharttaryn 7 mamyrdan bastap kúsheıte túsedi
NUR-SULTAN. QazAqparat - Sıngapýr bıligi koronavırýs ınfektsııasyn juqtyrǵandar sanynyń ósýine baılanysty birqatar elderden kelgen adamdar úshin mindetti karantındi 21 kúnge deıin uzartty.
Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap habarlaıdy.
Avstralııa, Brýneı, Qytaı, Jańa Zelandııa, sondaı-aq Gonkong, Makao men Taıvannan kelgen týrısterge bul talap qoldanylmaıdy. Ótken aptada Sıngapýr úkimeti Bangladesh, Úndistan, Nepal, Pákistan jáne Shrı-Lankadan kelgen sheteldikterdiń kirýine tolyqtaı tyıym saldy.
Túrkııadaǵy qoldanystaǵy lokdaýn sharttary 7 mamyrdan bastap kúsheıtiledi, dúkenderde tek negizgi azyq-túlik, gıgıena quraldary men úı janýarlaryna arnalǵan taǵamdar saýdasyna ruqsat etiledi.
Buǵan deıin Túrkııa prezıdenti koronavırýstyń kúrdeli jaǵdaıyna baılanysty elde 29 sáýirden 17 mamyrǵa deıin tolyq lokdaýn jarııalaǵan bolatyn. ІІM-nen basqa barlyq uıymdar men mekemeler qyzmetin toqtatty. Qalaaralyq saparlarǵa bılikten ruqsat alǵannan keıin ǵana shyǵýǵa bolady. Sheteldik týrısterge komendanttyq saǵat qoldanylmaıdy.
AQSh basshylyǵy 4 shildede atap ótiletin Táýelsizdik kúnine oraı eldiń eresek turǵyndarynyń 70%-ne COVID-19-ǵa qarsy vaktsınasyn salmaq. AQSh Prezıdenti Djo Baıden vaktsınanyń alǵashqy dozasymen el turǵyndarynyń jartysynan kóbi qamtylýy kerek, al 160 mıllıon amerıkalyq koronavırýsqa qarsy vaktsınatsııanyń tolyq kýrsynan ótýi qajet dedi. Baıden bul maqsatqa qol jetkizý úshn AQSh-ta 60 kúnde 100 mıllıon vaktsınatsııa jasalý kerek atap ótti. Bul eldiń qalypty ómirge oralýyna múmkindik beredi dedi ol.
Ulybrıtanııa bıligi kúzge qaraı 50 jastan asqan azamattarǵa qysta aýrýdyń kóbeıýine jol bermeý úshin úshinshi Sovid-19 vaktsınasyn engizýdi usynady. Qazir Ulybrıtanııanyń Bas sanıtarııalyq dárigeriniń basshylyǵymen vaktsınalardyń eki nusqasy synaqtan ótkizilýde. Birinshi nusqa koronavırýstyń jańa shtamdarymen kúresýge baǵyttalǵan. Ekinshi nusqa retinde elde maquldanǵan úsh preparattyń bireýi tańdalýy múmkin. Qysqa merzimde kóp adamdy ekpemen qamtý úshin Ulybrıtanııa úkimetiniń sheshimi boıynsha vaktsınanyń eki dozasyn engizý arasyndaǵy aralyq úsh aptadan úsh aıǵa deıin ulǵaıtyldy.
