Túrkııa qoǵamdastyǵy Qazaqstanmen ortaqtasa aza tutýda
YSTAMBUL. 28 jeltoqsan. QazAqparat - Túrkııa qoǵamdastyǵy jáne Túrkııadaǵy shetel azamattary Qazaqstanda oryn alǵan áýe apatynda 27 adamnyń qaza bolýyna baılanysty qaıǵyryp, aza tutýda.
Túrkııa Premer-Mınıstriniń orynbasary Búlent Arynch el basshylyǵy jáne Túrkııa jurtshylyǵynyń atynan qazaǵa baılanysty Qazaqstan halqyna kóńil aıttyp, apatta qurban bolǵandardyń otbasylaryna tereń qaıǵyrý sezimderin jetkizdi.
27 jeltoqsanda Túrkııada Qazaqstannyń dıplomatııalyq ókildikterinde Qazaqstannyń memlekettik týy tómen túsirildi.
Keshe Túrkııa Respýblıkasynyń memlekettik jáne úkimettik qurylymdarynyń ókilderi, sondaı-aq eldegi akkredıtsııalanǵan sheteldik dıplomatııalyq jáne konsýldyq mekemelerdiń ókilderi Ankaradagy Qazaqstan Respýblıkasynyń elshiligi men Ystambuldaǵy bas konsýldyǵynda boldy.
Elshiliktiń kóńil aıtý kitabynda Prezıdent Ákimshiliginiń, Premer-Mınıstr keńsesiniń, Syrtky ister mınıstrliginiń, Túrkııa Parlamentiniń ókilderi men Grekııa, Irak, TMD elderiniń elshileri, sondaı-aq sheteldik dıplomatııalyq ókilder qaıǵyǵa ortaqtasyp, aza tutý sózderin qaldyrdy.
