Túrkııa Qyrǵyzstannyń 62,3 mln dollar syrtqy qaryzyn keshirdi

BІShKEK. KAZINFORM — Bul týraly Qyrǵyzstan prezıdenti Sadyr Japarov Bishkekke memlekettik saparmen kelgen Túrkııa basshysy Rejep Erdoǵanmen kelissózder qorytyndysy boıynsha ótken baspasóz máslıhatynda málim etti, dep habarlaıdy Kazinform menshikti tilshisi.

«Prezıdent Erdoǵanǵa Qyrǵyzstannyń Túrkııa aldyndaǵy syrtqy qaryzyn óteý týraly sheshim qabyldaǵany úshin úlken alǵysymdy bildiremin», — dedi Sadyr Japarov.

Atap ótilgendeı, Túrkııa «jasyl» ekonomıka jobalaryn júzege asyrý úshin Qyrǵyzstannyń 62,3 mln dollar kólemindegi syrtqy qaryzyn keshirdi.

Sapar qorytyndylary boıynsha eki el arasyndaǵy strategııalyq yntymaqtastyqty keńeıtýge jáne memleketaralyq qarym-qatynasty odan ári nyǵaıtýǵa baǵyttalǵan 19 ekijaqty qujatqa qol qoıyldy.

Eske sala ketsek, Túrkııa Prezıdenti Rejep Taııp Erdoǵan 4 qarasha kúni memlekettik saparmen Bishkekke bardy. Ony «Manas» halyqaralyq áýejaıynda prezıdent Sadyr Japarov kútip aldy.

6 qarashada Túrkııa basshysy Túrki memleketteri uıymynyń sammıtine qatysady.