Túrkııa kelesi jyldan bastap týrısterge salyqtyń jańa túrin salady

ANKARA. QazAqparat - 2023 jyldyń 1 qańtarynan bastap Túrkııada qonaqúı aýmaǵynda turý kezinde júzege asyrylatyn barlyq qyzmetterden salyq jınaý týraly zań kúshine enedi. Bul týraly eldiń Qarjy mınıstrligi málimdedi, dep habarlaıdy QazAqparat tilshisi.

Zań jobasyna sáıkes, qonaqúıler, demalys oryndary, apartamenttik qonaq úıler jáne t.b. aýmaǵynda turýdy qosa alǵanda, barlyq qyzmetterge 2 paıyzdyq salyq alynady.

Bul salyqtyń mólsherlemesi naqty aımaqtardyń jergilikti atqarýshy organdarynyń qaraýy boıynsha ózgerýi múmkin.

Sonymen qatar, zań jobasy el parlamentiniń qaraýyna jiberilgen sátten bastap týrıstik bıznes tarapynan ekiushty suraqtar týyndap otyr.

Mysaly, onda aqyny týrıster tirkelý kezinde tóleýi kerektigi aıtylǵan, biraq pakettik týrlar aıasynda Túrkııaǵa kelgen sheteldik azamattardy ornalastyrý kezinde ne isteý kerektigi túsiniksiz.

Sheteldik týroperatorlarmen jumys isteıtin qonaqúıler kelisimshartyna týrısten 2 paıyzdyq alym alynady degen tarmaqty engizbese, salyqty qazynaǵa ózderi tóleýi ábden múmkin deıdi mamandar.

Týrıstik ónimdi satý kezinde bul naqty qarastyrylmasa, týrısterdiń óz betinshe salyq tóleýi ekitalaı.

Túrkııa 2019 jyly «turǵylyqty jer salyǵyn» engizý týraly sheshim qabyldady.

Sodan beri koronavırýs pandemııasy men týrızmniń aıtarlyqtaı tómendeýine baılanysty zańnyń kúshine enýi birneshe ret keıinge qaldy.

Túrik ekonomıkasy qazirgi ýaqytta mańyzdy retsessııany bastan keshirip otyr, munda týrızm - negizgi kiris sektorlarynyń biri.

Bıyl Reseı men Ýkraına arasyndaǵy áskerı qaqtyǵysqa qaramastan eldegi týrıstik aǵynnyń jaqsy qalpyna kelý qarqyny baıqaldy, bul da sheteldik týrısterden jańa alym engizýge sebep boldy.

Foto: dzen.ru