Túrkııa Qazaqstannyń Esirtki bıznesimen kúres komıtetiniń burynǵy tóraǵasyn elge qaıtarý máselesimen aınalysýda - ІІM
ASTANA. Maýsymnyń 2-si. QazAqparat /Aıdar Ospanalıev/ - Túrkııa tarapy elimizdiń Іshki ister mınıstrliginiń Esirtki bıznesimen kúres komıtetiniń burynǵy tóraǵasy Asqar Isaǵalıevti Qazaqstanǵa ekstradıtsııalaý máselesimen aınalysýda.
Bul týraly búgin jýrnalıstermen bolǵan brıfıngte Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.
«Biz osyǵan deıin kópshilikti habardar etkenbiz. Qarjy polıtsııasy Іshki ister mınıstrliginiń Esirtki bıznesimen kúres komıtetiniń qyzmetkerlerine qatysty qylmystyq is qozǵaýǵa tyıym salý jóninde qaýly shyǵarǵan bolatyn. Alaıda prokýratýra organdary bul sheshimniń kúshin joıyp, isti qaraý máselesin ishki ister salasynyńózine júktegen edi. Sebebi Asqar Isaǵalıevtiń qyzmet tiziminde onyń qarjy polıtsııasy organdarynda laýazymdy qyzmetterdi atqarǵandyǵy kórsetilgen. Al Іshki ister mınıstrligi A.Isaǵalıevke qatysty jınaqtalǵan birqatar materıaldar negizinde jáne qyzmet ókilettigin asyra paıdalandy degen aıyppen qylmystyq is qozǵady. Sóıtip jınaqtalǵan naqty dálelderdiń arqasynda jáne osy dálelder boıynsha quzyrly organdarǵa túsinikteme berýge kelmegendigi eskerile otyryp, A.Isaǵalıevti tutqynǵa alý jóninde sot sheshimi shyǵarylyp, oǵan izdeý jarııalandy», dedi departament bastyǵy.
Sondaı-aq onyń aıtýynsha, ótken jyldyń qazan aıynda Qazaqstannyń Interpol ulttyq ortalyq bıýrosy ony tutqynǵa alý jáne elge qaıtarý maqsatynda halyqaralyq izdeý jarııalaǵan. Osyǵan baılanysty júrgizilgen jedel izdestirý jumystarynyń barysynda izdeý salynǵan azamattyń Reseı, Ózbekstan, Qytaı, Gonkong, Izraıl men Italııada bolǵandyǵy anyqtalǵan. Sonymen qatar A.Isaǵalıevtiń Túrkııa eliniń aýmaǵynda boı tasalap júrýi múmkin ekendigi jóninde málimetter boldy. «Qańtar aıynda atalmysh azamat Antalııada qolǵa tústi. Osyǵan oraı elimiz tarapynan ustalǵan azamatty Qazaqstanǵa ekstradıtsııalaý jónindegi materıaldar jiberildi. Qazirgi tańda Túrkııa tarapy ony elge qaıtarý máselesimen aınalysýda», dedi mınıstrlik ókili.
