Túrkııa Qazaqstanmen saýda kólemin 15 mlrd dollarǵa jetkizýdi josparlap otyr
ANKARA. KAZINFORM — Rejep Taııp Erdoǵan Qazaqstanmen taýar aınalymyn 15 mlrd dollarǵa jetkizýdi kózdeıtinin aıtty, dep habarlaıdy Aqordanyń baspasóz qyzmeti.
Túrkııa Prezıdenti Qasym-Jomart Toqaevty jáne baýyrlas qazaq halqyn Respýblıka kúnimen quttyqtady. Rejep Taııp Erdoǵan jaqynda Ankarada qazaq memlekettiliginiń tarıhyna arnalǵan «Quryltaı fenomeni» kitabynyń tusaýkeseri ótkenin aıtty. Budan bólek, «Naýryz — túrki áleminiń ortaq murasy» kitaby qazaq tiline aýdaryldy.
— Bıyl mamyr aıynda Astanaǵa jasaǵan saparym barysynda birqatar mańyzdy qujatqa, sonyń ishinde Máńgilik dostyq jáne keńeıtilgen strategııalyq seriktestik týraly deklaratsııaǵa qol qoıdyq. Strategııalyq yntymaqtastyq keńesiniń kelesi otyrysynda ózara qarym-qatynasty naqty qadamdarmen bekite túsemiz. Biz taýar aınalymyn 15 mıllıard dollarǵa jetkizip, ınvestıtsııalyq baılanystardy jandandyrýǵa nıettimiz, — dedi Túrik eliniń basshysy.
Kelissóz barysynda eki el basshylary kólik-logıstıka, energetıka, jasandy ıntellekt, aýyl sharýashylyǵy, qorǵanys ónerkásibi jáne mádenı-gýmanıtarlyq baǵyttaǵy yqpaldastyq máselelerin talqylady.
