Túrkııa Qazaqstanǵa tehnıkalyq kómek kórsetýge daıyn

NUR-SULTAN. QazAqparat - Túrkııa qajet bolǵan jaǵdaıda barlyq tehnıkalyq bilim men tájirıbesin kórsetýge daıyn. Prezıdent Rejep Taıyp Erdoǵan Memleket basshysy Qasym-Jomart Toqaevpen telefon arqyly sóılesý barysynda osylaı dedi. Bul týraly Túrkııanyń aqparat basqarmasy málimdedi, dep jazady 24.kz.

Túrkııa prezıdenti jańa Úkimettiń eń qysqa merzimde qurylýyna jáne shıelenistiń tezirek aıaqtalýyna senim bildirdi. Dos ári baýyrlas Qazaqstanda bolyp jatqan oqıǵalardy jiti baqylap otyrǵanyn jetkizdi.

Qaza tapqandardyń jaqyndaryna kóńil aıtyp, zardap shekkenderdiń tezirek saýyǵyp ketýine tilektestik bildirdi. Túrik elimen qosa túrki memleketteri uıymynyń da Qazaqstanǵa qoldaý kórsetetinin aıryqsha atap ótti.