Túrkııa Qazaqstanǵa 5 mlrd dollar ınvestıtsııa salýǵa daıyn

22 qarasha kúni «Atameken» alańynda UKP Tóralqa tóraǵasy Hatshylyǵynyń jetekshisi, «Atameken» QR UKP Іsker áıelderi keńesiniń tóraıymy Lazzat Ramazanova jáne  Túrkııa kásipkerleri men ónerkásip ókilderi konfederatsııasynyń basqarma tóraıymy Nezaket Emıne Atasoıdyń ekijaqty kezdesýi ótti.

Nezaket Emına Atasoı Qazaqstan Respýblıkasynyń elordasy Astanaǵa kelgenine qýanyshty ekenin jetkizdi.

«Biz eki el arasyndaǵy saýda qatynastaryn nyǵaıtý úshin keldik. Túrkııa kásipkerleri men ónerkásip ókilderi konfederatsııasy álemniń 100-den astam memleketterinde jumys isteıdi. Ókildikterimiz Afrıka, Azııa memleketterinde bar. Jalpy konfederatsııa isker erler men áıelderden turady. Biz ónerkásip pen ındýstrııada ǵana emes, ekonomıkanyń barlyq salalarynda jumys isteımiz», - dedi Nezaket Emına Atasoı.
 

Shara barysynda Nezaket Emına Túrkııa kásipkerleri men ónerkásip ókilderi konfederatsııasy qyzmeti týraly áńgime qozǵady.

«Qazaqstanǵa 5 mlrd AQSh dollaryn quraıtyn somaǵa kepildik hatyn alyp keldim. Bul qarjyny Qazaqstan Úkimeti memlekettiń ary qaraı gúldenýine jumsaıdy dep senemiz.  Bizdiń maqsatymyz - eki el arasyndaǵy ımport pen eksport qatynastaryn nyǵaıtyp, taýar tasymalyna kedergi keltiretin kedendik tekseristerdi jeńildetý», - dedi Konfederatsııa tóraıymy.
 

Onyń sózinshe, Túrkııa kásipkerleri men ónerkásip ókilderi konfederatsııasy Afrıkanyń 54 memleketimen, Parsy shyǵanaǵynyń 22 memleketimen baılanys ornatqan. Bul memleketter arasynda jyl saıyn Halyqaralyq forýmdar ótedi, mańyzdy kelisimder jasalyp, qujattarǵa qol qoıylady. Konfederatsııanyń bas keńsesi Ankarada ornalasqan. Qazaqstan naryǵy Túrkııa uıymyna Ózbekstan, Qyrǵyzstan, Túrikmenstan naryqtaryna shyǵýǵa jol ashady. Endi Túrkııa tarapy 2018 jyldyń alǵashqy aılarynda Taıaý Shyǵys memleketteriniń qatysýymen Qazaqstan men Túrkııa halyqaralyq forýmyn ótkizbek.

Shara barysynda UKP Basqarma tóraǵasynyń orynbasary ıÝlııa ıAkýpbaeva qarjy, medıtsına, týrızm salalaryndaǵy basymdyqtar týraly aıtty.

«Eki el arasyndaǵy seriktestik óte berik. Qazaqstanda túrkııalyq kapıtaldyń kólemi aıtarlyqtaı zor. Rıksos jelisi Qazaqstanǵa kelgen alǵashqy bes juldyzdy qonaqúıler. Búginde Rıksos qonaqúıleri 4 óńirde ashylǵan. Medıtsına salasynda da iri kompanııalar jumys isteıdi, olar klınıkalar men farmatsevtıkalyq zaýyttar. Medıtsınalyq týrızm de damyp keledi. Qazaqstandyq stýdentter Túrkııaǵa baryp, bilim alýda. Týrızm salasynda Ulttyq palatanyń týrızm salasynda tıimdi 40 jobasynyń tizbesi bar. Olar túrkııalyq ınvestorlardy qyzyqtyrady degen senimdemin. Investorlardyń quqyǵyn qorǵaýda kásipkerler palatasy tıisti zańnamany ózgertýde belsendi jumys atqaryp jatyr. Kedergiler kóp, monıtorıng júrgizemiz, ınvestorlardyń barlyq máselelerin «Atameken» alańynda sheshýge jaǵdaı jasaımyz», - dedi ıÝlııa ıAkýpbaeva.

Óz kezeginde «Atameken» QR UKP Іsker áıelderi keńesiniń tóraıymy Lazzat Ramazanova Nezaket Emına Atasoı hanymǵa tıimdi jumys isteý úshin Konfederatsııanyń Qazaqstandaǵy ókildigin ashýdy usyndy. Túrkııa tarapy jýyq arada osy máseleni sheshetinderin jetkizdi. Eki memlekettiń basshylarynyń tyǵyz baılanysy arqyly Túrkııa men Qazaqstan arasyndaǵy baılanys artyp keledi.
 

«Atameken» QR UKP men Túrkııa kásipkerleri men ónerkásip ókilderi konfederatsııasy saýda-ekonomıkalyq qatynastarynyń damýyna atsalysady. Óıtkeni saýda, ónerkásip jáne ınvestıtsııalardy tartýda múddeler ortaq. Túrkııa tarapy Qazaqstanǵa 5 mlrd AQSh dollaryna deıin ınvestıtsııa salýǵa daıyn. Atalǵan ınvestıtsııalyq qarjy 1,5%-pen berilmek. Atalǵan memorandým saýda qatynasynda aqparat taratý men jarııalanymdar boıynsha tájirıbe almasý, ekonomıkalyq yntymaqtastyqqa atsalysý, bıznesti damytýǵa baǵyttalǵan ekijaqty is-sharalardy ótkizýdi kózdeıdi.

Kezdesý barysynda «Atameken» QR UKP Іsker áıelder keńesiniń tóraıymy Lazzat Ramazanova men «Atasoılar Prestıj» Holdınginiń basqarma tóraıymy Nezaket Emıne Atasoı ózara yntymaqtastyq týraly hattamaǵa qol qoıdy.