Túrkııa qazaqstandyqtar úshin 200-ge jýyq oqý grantyn bóledi
ASTANA. QazAqparat - Túrkııada oqýǵa 2019-2020 oqý jylyna ótinishter qabyldaý ýaqyty bastaldy. Bul týraly QazAqparat «Halyqaralyq baǵdarlamalar ortalyǵyna» silteme jasap habarlaıdy.
Túrkııanyń memlekettik joǵary oqý oryndarynda bilim alý tegin, tek jyl saıynǵy stýdenttik tólemderi bar. Tańdalǵan fakýltetter men ýnıversıtetterge baılanysty tólem sommasy jylyna 300-den 800-ge deıin dollardy quraıdy.
Jyl saıyn Túrkııa Úkimeti «Túrkııa stıpendııasy/Turkey Scholarships» baǵdarlamasy boıynsha túrik ýnıversıtetterinde bilim alýǵa Qazaqstan azamattaryna 200-ge jýyq grant bóledi.
Aıta ketsek, Túrkııadaǵy joǵary oqý oryndary barlyq sheteldik stýdentterge (Qazaqstan stýdentteri Túrkııa ýnıversıtetteri úshin shetel stýdentteri) bilim kórsetkishterine sáıkes 100% tegin bilim alý múmkindigin usynady.
Sondaı-aq, «Halyqaralyq baǵdarlamalar ortalyǵy» AQ-men Túrkııa ýnıversıtetteri arasynda jasalǵan kelisim sharttar sheńberinde Qazaqstan azamattary úshin Taıaý Shyǵys tehnıkalyq ýnıversıteti, Eýropalyq Lefke Ýnıversıteti, Stambýl Shehır Ýnıversıteti t.b. ýnıversıtetter tarapynan qosymsha granttar beriledi.
