Túrkııa Qazaqstanda ósimdikterdiń genetıkalyq bankin qurýǵa kómektespek
Aıta keteıik, 2022 jyly 10 qarashada Shymkent qalasynda Qazaqstan men Túrkııanyń arasynda tuqym sharýashylyǵy salasyndaǵy yntymaqtastyq týraly kelisimge qol qoıylǵan bolatyn. QR Aýyl sharýashylyǵy vıtse-mınıstri Ábilqaıyr Tamabek bastaǵan qazaqstandyq delegatsııa atalǵan kelisimdi odan ári iske asyrý úshin Ankaraǵa keldi.
Osy oraıda birlesken ǵylymı zertteýler júrgizý máseleleri talqylanyp, aýyl sharýashylyǵy ósimdikteriniń tuqymyn óndirý jáne sertıfıkattaý qyzmetin qurý protsesterin jolǵa qoıý boıynsha tájirıbe almasý jóninde ýaǵdalasty.
Sonymen qatar Ábilhaıyr Tamabek aýrýlar men zııankester boıynsha tuqymǵa taldaý júrgizýde zor tájirıbesi bar Túrkııa Respýblıkasynyń «TSUAB» tuqym ósirýshiler qaýymdastyǵy, «TMO» astyq odaǵy men «TUAB» tuqym salasyndaǵy sertıfıkattaý qyzmetiniń keńselerine bardy.
Buǵan qosa, qazaqstandyq delegatsııa Túrkııa Respýblıkasynyń Ulttyq genetıkalyq tuqym bankinde boldy. Kezdesý barysynda Qazaqstanda osyndaı genetıkalyq bankti qurý boıynsha konsýltatsııalyq kómek kórsetý týraly kelisimge keldi.
Bul saladaǵy yntymaqtastyq máseleleri aldaǵy ýaqytta tuqym sharýashylyǵy boıynsha ótetin halyqaralyq bıznes-forýmynyń alańynda ekijaqty kezdesýler aıasynda talqylanady dep josparlanyp otyr.
Foto: gov.kz