Túrkııa qaýipsizdik qyzmeti Ystambulda lańkestiktiń aldyn aldy
ASTANA. QazAqparat - Túrkııanyń qaýipsizdik qyzmeti Ystambul saýda ortalyqtarynyń birinde jasalmaq bolǵan lańkestik árekettiń aldyn aldy, dep habarlady Trend.az
«Milliyet» basylymynyń habarlaýynsha, Túrkııanyń arnaıy qyzmeti Kúrdistan jumys partııasy músheleriniń terrorlyq áreket jasamaq bolǵandyǵy týraly aqparat alǵan. Qaýipsizdik kúshteriniń arnaıy operatsııasy aıasynda jarylǵysh zattarmen atalǵan kúrd partııasynyń eki sodyry qolǵa tústi.
Budan buryn Ystambulda Sultan Ahmet aýdanynda ornalasqan polıtsııa bólimshesiniń kire berisinde jankeshti ózin jaryp jibergen. Lańkestik barysynda bir polıtseı qaza taýyp, taǵy bir adam jarqat alǵan. Aldymen lańkestikti stýdent Elıf Sultan Kalsen jasady dep habarlanǵan, artynsha, Túrkııa ІІM jankeshti Daǵystan týmasy Reseı azamatshasy Dıana Ramazanova ekendigi jaıly aqparat taratty. Ystambuldaǵy Reseıdiń bas konsýldyǵy Reseı azamatshasynyń Ystambuldaǵy lańkestikke qatystylyǵy týraly aqparatty ázirge rastaǵan joq.
