Túrkııa kásipkerleri OQO-ǵa ınvestıtsııa salýǵa nıetti
ShYMKENT. QazAqparat - Búgin Ońtústik Qazaqstan oblysynda Túrkııanyń Antalııa ındýstrııalyq aımaǵynan kelgen delegatsııa men jergilikti kásipkerlerdiń B2B kezdesýleri ótti.
Taraptar aýyl sharýashylyǵyndaǵy jańa tehnologııalarǵa ınvestıtsııa tartý, osy saladaǵy orta jáne shaǵyn bıznesti damytý máselelerin talqylady, dep habarlaıdy QazAqparat HAA tilshisi.
Búgingi kezdesý qortyndysymen túrkııalyq kásipkerler óńirge ınvestıtsııa salýǵa nıet bildirip otyrǵanyn jetkizdi. Delegatsııa quramynda halyqaralyq iri kompanııalardyń basshylary men olardyń aımaqtyq ókilderi bar. Olar aýyl sharýashylyǵyna, qurylysqa qajetti zattar men ózge de óndirister salasynda qoldanylatyn óte shaǵyn jáne dál bólshekterdi jasap shyǵarýmen aınalysady. Sheteldik bıznes ókilderiniń kúngeıge kelýdegi basty maqsaty - óńirdiń ınvestıtsııalyq múmkindikterimen tanysyp, jergilikti kásipkerlermen baılanys ornatý ekeni atalyp ótildi. 
Kelissózder barysynda qonaqtarǵa elimizdegi shaǵyn jáne orta kásipkerlikke memleket tarapynan jasalyp otyrǵan qoldaý men oblys ekonomıkasynyń ınvestıtsııalyq tartymdylyǵy týraly aqparat berildi.
Aıta ketý kerek, osy jyldyń aqpan aıynda Ońtústik Qazaqstan oblystyq kásipkerlik, ındýstrııalyq-ınnovatsııalyq damý jáne týrızm basqarmasynyń bir top mamandary Antalııa provıntsııasynyń kásipkerler qaýymdastyǵynyń ókilderimen kezdesip, 12 túrik kompanııasymen ózara yntamyqtastyqqa qol jetkizgen bolatyn.
Kelissózder qorytyndysy boıynsha birlesken jobalardy júzege asyrý týraly úsh kompanııamen kelisimge qol qoıyldy. Olar: keptirilgen jemister jáne azyq-túlikke arnalǵan qaptama óndirýmen aınalysatyn «Çitello», jylyjaıǵa arnalǵan jabdyqtardy óndirý jáne ornatýmen aty shyqqan "SiMGETEK A.S.", qurǵaq qurylys qospalaryn jáne boıaý ónimderin óndiretin "CUBO" kompanııalary.
