Túrkııa qarjy naryǵyn turaqtandyrýǵa kirispek

ANKARA. QazAqparat - Resmı Ankara Túrkııanyń qarjy naryǵyn turaqtandyrý boıynsha birqatar sharalardy uıymdastyrady, dep habarlaıdy QazAqparat tilshisi Anadoly agenttigine silteme jasap. Bul jóninde Túrkııanyń Qazynashylyq jáne qarjy mınıstri Berat Albaırak málim etti.

«13 tamyz túninen bastap úkimet bank júıesiniń qurylymdarymen birigip ulttyq valıýta baǵamynyń turaqsyzdyǵy asa qatty seziletin sektordy turaqtandyrýǵa kómektesetin júıeni júzege asyra bastady», - dep jazdy Albaırak Twitter paraqshasynda.

Mınıstr otandyq naryqty qoldaý úshin barlyq jaǵdaı jasalatynyn aıtty. Degenmen atalmysh sharalardyń bank salymdaryna qatysy bolmaıdy.

Qarjy mınıstriniń málimdeýinshe, banktyń esepshottarynda saqtalatyn valıýta túrik lırasyna aýdarylmaıdy jáne naryqty dúrliktirip, shý shyǵarýǵa tyrysqan adam zań júzinde jaýap tartatyn bolady. 

«Biz úshin bıýdjettik tártipti ornatý mańyzdy. Maqsat aıqyn. Qarjy mınıstrligi bıýdjetten tys shyǵyndarǵa qatysty máselelerde artqa sheginbeıdi. Bul jóninde barlyq qurylymdar men bankterge habar berdik», - dep jazdy Albaırak.

Mınıstr úkimettiń naryq qatysýshylaryna qatysty barlyq ádis-tásilderi úsh ustanymǵa negizdelip jasalatynyn jetkizdi.

«Ónimniń tehnologııalylyǵy men ústeme quny qanshalyqty joǵary? Eksport jasalady ma? Fırma Túrkııadaǵy shottyń jetispeýshiligin eskerdi me? Bul ustanymdar úkimet úshin óte mańyzdy. Buǵan eshkimniń kúmáni bolmasyn. Biz halyqtyń, utymdy saıasat pen naqty pozıtsııa arqasynda sáttilikke jetemiz», - dedi Albaırak.