Túrkııa Qara teńizden jańa munaı ken ornyn tapty
ASTANA. KAZINFORM — Túrkııanyń memlekettik munaı kompanııasy — TPAO Qara teńizdegi jańa munaı ken ornyn ıgerýge lıtsenzııa alý úshin ótinish berdi, dep habarlaıdy Kazinform agenttigi AZERTADJ-ǵa silteme jasap.
Tıisti qujat 25 qyrkúıekte Túrkııa úkimetiniń resmı basylymy Resmi Gazete-de jarııalandy.
Munaı ken orny Qara teńizdegi shekarany mejeleý týraly ekijaqty kelisimdermen aıqyndalǵan teńiz ıýrısdıktsııasy aýmaǵyndaǵy aıryqsha ekonomıkalyq aımaqta jáne kontınenttik qaırańda ornalasqan.
Eske salaıyq, buǵan deıin Saýd Arabııasy koroldiktiń strategııalyq eksporttyq baǵyty sanalatyn «Shyǵys – Batys» munaı qubyrynyń jumysyn qaıta bastaǵanyn jazǵanbyz. Bul álemdik naryqqa munaı jetkizýge qatysty alańdaýshylyqty azaıtty
