Túrkııa Izraıldi Gazadaǵy atysty toqtatý rejımin saqtaýǵa shaqyrdy

ASTANA. KAZINFORM — Túrkııa memleketi Palestına halqyna qoldaý bildirýdi jalǵastyrady. Bul týraly Túrkııanyń Syrtqy ister mınıstrligi málimdedi, dep habarlaıdy TASS agenttigi.

— Izraıldiń Gaza sektoryndaǵy shabýyldary atysty toqtatýdy ashyq túrde buzý bolyp tabylady. Biz osy shabýyldardyń saldarynan beıbit turǵyndardyń qaza bolǵany týraly habarlarǵa qatty alańdaımyz. Atysty toqtatý rejımin tolyq ustaný beıbitshilikke degen úmitti saqtaý jáne aımaqtyq qaýipsizdikti qamtamasyz etý úshin óte mańyzdy ekenin qaıtalaımyz. Biz taǵy da Izraıldi beıbitshilik pen turaqtylyqqa nuqsan keltiretin áreketterden bas tartýǵa shaqyramyz, — delingen Túrkııa Syrtqy ister mınıstrligi málimdemesinde.

Sondaı-aq Túrkııanyń Palestına halqymen yntymaqtasýdy jalǵastyratyny jáne aımaqta ádil, uzaq, ári tolyqqandy beıbitshilikke qol jetkizý úshin kúsh-jigerdi qoldaýdy jalǵastyratyny atap ótildi.

Aıta keteıik, Izraıl HAMAS atysty toqtatý kelisimin buzdy dep málimdegennen keıin Gazaǵa qaıtadan soqqylar jasady. Shabýyldardan 18 adam qaza tapty.