Túrkııa Izraılmen dıplomatııalyq qarym-qatynasty toqtatýy múmkin
ASTANA. Maýsymnyń 5-i. QazAqparat - Ankara Izraılmen aradaǵy dıplomatııalyq qarym-qatynasty úzý múmkindigin qarastyrýda, dep habarlaıdy «Maıak» radıostansasy.
Olaı bolmasyn dese, Izraıl úkimeti Gaza sektoryna gýmanıtarlyq júk jetkizbek bolǵan kemelerdi basyp alǵany jáne túrik azamattaryn óltirgeni úshin keshirim suraýy jáne jaýyngerlik operatsııaǵa táýelsiz tekserý júrgizýge kelisýi kerek. Bul týraly Vashıngtonda Túrkııa elshisi Namık Tan myrza málim etti.
Ótken dúısenbide Gaza sektoryna gýmanıtarlyq júk apara jatqan flotılııaǵa Izraıl tarapynan jasalǵan shabýyldyń saldarynan Túrkııanyń 9 adamy qaza bolǵanyn QazAqparat budan buryn habarlaǵan bolatyn.
