Túrkııa Iranmen shekaraǵa qamal turǵyzbaq
ASTANA. QazAqparat - Túrkııa bıligi Iranmen shekaraǵa qaamal turǵyzý jumystaryna kiristi, dep habarlady Hurriyet basylymy 8 tamyzdaǵy sanynda.
Basylym málimetinshe, qabyrǵa árqaısysy 7 tonnadan turatyn úsh metrlik beton bloktardan turady. Qurylys Agry, Ygdyr jáne Kars provıntsııalarynyń shekarasyn kúsheıtýge baǵyttalǵan. Qurylys jumystary bastalǵan shekara bólimshesine Agry provıntsııasynyń gýbernatory Súleıman Elban keldi.
Aıta keteıik, Iran men Túrkııa arasyndaǵy 70 shaqyrymdyq shekaraǵa qabyrǵa turǵyzý jospary 2017 jyldyń mamyr aıynda jarııalanǵan. Ońtústik shekarasyna qosymsha qorǵanys qajettigin Ankara Iran aýmaǵyn paıdalanyp, sol jaqtan túrik terrıtorııasyna shabýyl jasaıtyn kúrd kóterilisshileriniń áreketterimen baılanystyrady.
Qazirgi ýaqytta Túrkııa tarapy Sırııamen shekaraǵa osyǵan uqsaıtyn qorǵanys qurylysyn aıaqtap qaldy. Qabyrǵa «Islam memleketi» sodyrlarynyń, sondaı-aq, Ankara lańkestik uıym dep sanaıtyn Kúrdistan jumysshy partııasy músheleriniń Túrkııa aýmaǵyna ótýinen qorǵaýǵa baǵyttalǵan.
