Túrkııa Iranmen shekarada qabyrǵa turǵyzyp jatyr
ASTANA. KAZINFORM – Van provıntsııasyndaǵy Túrkııa-Iran shekarasynda qaýipsizdikti kúsheıtý úshin beton qabyrǵa qurylysy men aryqtar qazý jumystary jalǵasýda, dep habarlaıdy Kazinform menshikti tilshisi.
Túrik kúshteri qolda bar zamanaýı tehnologııalardy paıdalana otyryp, bul aýmaqty qadaǵalap, shekarany zańsyz kesip ótýge jol bermeý úshin qosymsha sharalar qabyldap otyr.
Bul bekinisterdiń maqsaty – zańsyz mıgranttar men kontrabandashylardyń kirýine jol bermeý, sondaı-aq Túrkııanyń shyǵys shekarasy boıyndaǵy qaýipsizdikti nyǵaıtý. Shekarany baqylaý jáne qadaǵalaý úshin fızıkalyq kedergilerden basqa zamanaýı tehnologııalar belsendi túrde qoldanylyp otyr. Túrik shekarashylarynyń baqylaý kameralary, túngi ýaqytta qozǵalysty anyqtaýǵa kómektesetin teplovızorlar jáne áýeden patrýldeýge qajetti ushqyshsyz ushý apparattary bar.
Bul sharalar shekarada táýlik boıy baqylaý júrgizýge múmkindik beredi.
Shekarany zańsyz kesip ótýdi, sonyń ishinde kóshi-qon, kontrabandany jáne zańsyz qarýly toptardyń yqtımal qaýipterinińaldyn alý úshin beton qabyrǵa men aryqtardyń qurylysy jalǵasyp jatyr. Bul aımaqtyń uzyndyǵy shamamen 300 km jáne ol qazirdiń ózinde Túrkııanyń shyǵys shekarasyndaǵy mańyzdy baqylaý núktesine aınaldy.
Osyǵan deıin Qazaqstannyń Túrkııanyń BUU-ǵa joldaǵan hatyna qol qoıǵanyn habarladyq.
