Túrkııa Indonezııaǵa 48 otandyq joıǵysh ushaǵyn eksporttaıdy

ASTANA. KAZINFORM — Túrkııa qorǵanys ónerkásibindegi besinshi býynǵa jatatyn otandyq 48 «KAAN» joıǵysh ushaǵyn Indonezııaǵa eksporttaıtynyn málimdedi, dep habarlaıdy TRT aqparattyq agenttigi.

— Bul óte mańyzdy jáne qýantatyn jetistik. Ulttyq qorǵanys ónerkásibimizdiń damýy men qazirgi múmkindikterin kórsetetin bul kelisim Túrkııa úshin de, Indonezııa úshin de paıdaly bolady dep úmittenemin, — dedi Túrkııa prezıdenti Rejep Taıyp Erdoǵan óziniń «X» platformasynda.

Prezıdent Túrkııa tarıhyndaǵy «rekordtyq eksport kelisimin» júzege asyrǵany úshin Qorǵanys ónerkásibi men Túrik aeroǵarysh ónerkásibin jáne osy protseske qatysqan barlyq mekemelerdi quttyqtady.

Aıta keteıik, besinshi býynǵa jatatyn «KAAN» joıǵysh ushaǵy radardan qashatyn múmkindikterge ıe jáne árqaısysy 13 000 kılogramm kúsh beretin qos qozǵaltqyshpen jumys isteıdi. Osy múmkindikterdiń arqasynda ushaq 1,8 Mach jyldamdyǵyna jete alady. Sonymen qatar Túrik aeroǵarysh ónerkásibi jasandy ıntellekt, jetildirilgen sensorlyq júıeler men ushqyshsyz ushý apparattarymen jumys isteý qabiletin biriktiretin altynshy býyn modelin jasaýda.

Eske sala keteıik, buǵan deıin Qytaıda «taıǵa tańba basý» rásimi ótkeni týraly jazǵamyz.