Túrkııa ımamdaryna kem degende eki shet tilin bilý talap etiledi
ASTANA. 14 aqpan. QazAqparat - Túrkııanyń Din mınıstrligi múftıler júıesiniń jańa úlgisin ázirledi. Budan bylaı ımamdarǵa basqasha talaptar qoıylyp, meshitterdiń qoǵamdaǵy rólin attyrý josparlanýda. Bul jaıynda haber7.com habar taratty.
Endigi jerde ımamdardyń Qurandy jattap alýy jetkiliksiz bolady. Bul jaıynda Afıonkarahısarda ótken «Provıntsıaldyq múftılerdiń keńesinde» sóz sóılegen Din mınıstri Mehmet Germez málimdedi.
Onyń aıtýynsha, ımam bolǵysy kelgen adamnyń mindetti túrde Imam Hatıpa atyndaǵy dinı lıtseıdi bitirgendigin kýálandyratyn attestaty bolýy kerek. muslim.kz saıtynyń jazýynsha, buǵan qosa, aýyldyq eldi mekenderde qyzmet etkisi keletin ımam joǵary bilim alǵandyǵy týraly bakalavr dıplomyna ıe bolýy qajet. Al ulttyq meshitterde ımam bolǵysy keletinder magıstr nemese doktor dárejesine qol jetkizýi tıis. Sondaı-aq, kem degende eki shet tilin bilýi talap etiletin boldy.
Mınıstr Allaǵa qulshylyq etetin orynnyń memlekettik-bıýrokratııalyq apparatqa aınalmaýyn qadaǵalaıtynyn jetkizdi. Osyǵan baılanysty meshitti tek namaz ýaqyty kirgende ǵana ashý tártibin ózgertýdi kózdep otyr. Budan bylaı kez kelgen ýaqytta qulshylyq etkisi keletin adamdar úshin meshittiń esigi árdaıym ashyq turatyn boldy.
«Biz meshitti túrik halqynyń rýhanı ortalyǵyna aınaldyrýǵa kúsh salamyz», - dedi mınıstr sóziniń sońynda.
