Túrkııa halqynyń sany 2020 jyly 459 myńǵa ósti

ANKARA. Anadoly-QazAqparat – Túrkııa halqynyń sany 2020 jyly 459 365 adamǵa kóbeıip, jalpy sany 83 614 362 adamǵa jetti. Bul týraly Túrkııanyń Statıstıka ınstıtýty (TÜİK) málim etti, dep habarlaıdy QazAqparat Anadoly agenttigine silteme jasap.

TÜIK málim etkendeı, 2020 jyldyń 1 qańtarynda el halqy 83 154 997 adamdy qurady, al osy jyldyń basynda bul kórsetkish 83,6 mıllıonnan asty.

Erlerdiń úlesi 50,1 paıyzdy (41 915 985), áıelderdiń úlesi 49,9 paıyzdy (41 698 377) quraıdy.

2021 jyldyń basyndaǵy kórsetkish boıynsha Túrkııa halqynyń 93 paıyzy qalalarda turady, al 2020 jyly bul kórsetkish 92,8 paıyz bolǵan edi.