Túrkııa halqynyń sany 86,3 mln-nan asty
ASTANA. KAZINFORM — Túrkııa halqynyń sany artyp keledi — jyl basynan beri elge 228 myńnan astam turǵyn qosyldy, dep habarlaıdy Kazinform agenttiginiń Ankaradaǵy menshikti tilshisi.
Túrkııa statıstıka ınstıtýtynyń (TÜİK) málimetinshe, 2026 jyldyń 1 shildesindegi jaǵdaı boıynsha Túrkııada halyq sany 86 320 602 adamǵa jetti.
Salystyrmaly túrde, 2025 jyldyń sońynda el halqynyń sany 86 092 168 adamdy qurady. Osylaısha, bıylǵy jyldyń alǵashqy alty aıynda halyq sany 228 434 adamǵa ósti. Bıylǵy jyldyń 1 mamyry men 1 shildesi aralyǵynda ósim 123 904 adamdy quraǵan.
Erler halyqtyń 50,01%-yn nemese 43 170 975 adamdy quraıdy. Áıelder sany — 49,99%-yn nemese 43 149 627 adam.
Osylaısha, Túrkııadaǵy erler men áıelder sany arasyndaǵy aıyrmashylyq óte az: elde er adamdar shamamen 21 myń ǵana artyq.
Osyǵan deıin Qytaıda 60 jastan asqan turǵyndar sany 323 mıllıonnan asqanyn jazdyq.
