Túrkııa Grýzııadaǵy ushaq apatynan keıin C-130 reısin toqtatty

ASTANA. KAZINFORM – Ázerbaıjan-Grýzııa shekarasynda apatqa ushyraǵan C-130 áskerı ushaǵynda bolǵan barlyq áskerı qyzmetshiniń máıiti tabyldy, dep habarlaıdy Anadoly agenttigi.

Túrkııa Ulttyq qorǵanys mınıstrliginiń baspasóz qyzmeti apatqa ushyraǵan ushaqtyń bort jazba qurylǵylary (FDR) jáne CVDR, ıaǵnı «qara jáshikti» taldaý úshin Túrkııaǵa jetkizilgenin jáne qazirgi ýaqytta Ankarada ekenin atap ótti. 

– 12 qarashadan bastap saqtyq sharasy retinde C-130 reısteri toqtatyldy. Egjeı-tegjeıli tehnıkalyq tekserýlerden keıin bekitilgen ushaqtardyń reısteri qaıta bastalady, - dep málimdedi Qorǵanys mınıstrligi. 

Túrkııa mınıstrligi sonymen qatar resmı málimdeme jasalmaı turyp, qaıtys bolǵan áskerı qyzmetshiler týraly jeke aqparat taratqan akkaýnttar anyqtalǵanyn habarlady.

– Bul adamdarǵa qarsy qylmystyq is qozǵaldy, - dep atap ótti Qorǵanys mınıstrligi. 

Esterińizge sala keteıik, 11 qarashada túriktiń C-130 áskerı-kólik ushaǵy Gıandja áýejaıynan ushyp shyǵyp, Grýzııanyń Sıgnagı mýnıtsıpalıtetinde apatqa ushyrady. C-130 Grýzııa aýmaǵyna kirgennen keıin birneshe mınýttan soń, Ázerbaıjanmen shekaradan 5 km qashyqtyqta radardan joǵalyp ketti. 

Túrkııanyń Qorǵanys mınıstrligi keıinirek Grýzııadaǵy ushaq apatynda 20 áskerı qyzmetkerdiń qaza tapqanyn rastady. 

Sondaı-aq Ázerbaıjan, Túrkııa jáne Grýzııa C-130 apatyn tergeý úshin kúsh biriktirip jatqany habarlandy.