Túrkııa Gaza týnnelderinde jatqan 200 beıbit turǵyndy azat etýge kúsh salyp jatyr

ASTANA. KAZINFORM — Túrkııa Gazadaǵy týnnelderde qalyp qoıǵan shamamen 200 beıbit turǵyn úshin qaýipsiz shyǵý dálizin qamtamasyz etýge kúsh salyp jatyr. Bul týraly Reuters agenttigi derekkózge silteme jasap habarlady.

«Biz qazir týnnelderde qalyp qoıǵan shamamen 200 gazalyq beıbit turǵyn úshin qaýipsiz shyǵý dálizin qamtamasyz etý boıynsha jumys istep jatyrmyz» – dedi Reuters agenttigine bergen suhbatynda joǵary laýazymdy túrik sheneýnigi. 

Onyń aıtýynsha, Túrkııa Hadar Goldın esimdi qaza tapqan tutqynnyń, Izraıldiń aǵa leıtenantynyń denesin qaıtarýǵa da yqpal etken.

9 qarashada Túrkııa prezıdenti Rejep Taıyp Erdoǵan el palestınalyq anklavqa kómek kórsetýmen aınalysyp jatqanyn aıtyp, «qazirge deıin azyq-túlik, dári-dármek, medıtsınalyq qural-jabdyq, kıim, gıgıenalyq buıymdar jáne taýarlar jiberildi» dep málimdedi.

Eske sala ketsek, buǵan deıin HAMAS Izraılge 11 jyl buryn Gazada qaza tapqan áskerıdiń denesin qaıtardy. 

Al Gazada jınalyp qalǵan qoqys saldarynan aýrý tarap jatyr.