Túrkııa ǵaryshqa aı apparatyn ushyrýdy josparlap otyr
ASTANA. KAZINFORM — Túrkııa 2027 jyldyń alǵashqy aılarynda ǵaryshqa aı apparatyn ushyrýdy josparlap otyr, dep habarlaıdy agenttiktiń Ankaradaǵy tilshisi.
Túrkııanyń ónerkásip jáne tehnologııa mınıstri Mehmet Fatıh Kadjyr Ulttyq ǵarysh baǵdarlamasy mıssııasynyń kestesi anyqtalǵanyn málimdedi. Aıtýynsha, gıbrıdti qozǵaltqysh júıesi bar apparat barlyq qajetti synaqtardan ótken.
— Biz ǵaryshqa aı apparatyn 2027 jyldyń alǵashqy aılarynda ushyramyz, — dedi Kadjyr Afonkarahısarda ótken Túrkııa ǵylymı-tehnologııalyq zertteýler keńesiniń (TÜBİTAK) 28-shi aspandy baqylaý konferentsııasynda.
Mınıstr Túrkııanyń ulttyq ǵarysh tehnologııalaryn únemi damytyp kele jatqanyn atap ótti. El qazirdiń ózinde BİLSAT, RASAT, GÖKTÜRK-2, IMECE spýtnıkterin jáne alǵashqy otandyq telekommýnıkatsııalyq spýtnıgi Türksat 6A-ny qurdy.
Túrkııanyń Somalıdegi menshikti ǵarysh aılaǵy
Sonymen qatar Túrkııa spýtnık pen ǵarysh kemelerin orbıtaǵa derbes ushyrý múmkindigine ıe bolýdy maqsat etedi. Osy maqsatta el Somalıde óziniń ǵarysh aılaǵyn salý jobasyn júzege asyryp jatyr.
Kadjyr ǵarysh aılaqtaryn ekvatorǵa jaqyn ornalastyrý Jerdiń aınalý jyldamdyǵyn tıimdirek paıdalanýǵa múmkindik beretinin jáne ushyrý shyǵyndaryn azaıtatynyn atap ótti. Taıaý Shyǵys tehnıkalyq ýnıversıtetinde (ODTÜ) josparlanǵan ǵarysh tehnologııalyq parki de ulttyq ǵarysh ekojúıesiniń mańyzdy bóligi.
Sonymen qatar, mınıstr 5-9 qazan aralyǵynda Antalııada ótetin 77-shi Halyqaralyq astronavtıka kongresi (IAC 2026) týraly aıtty. Oǵan 100-den astam elden 10 000-nan astam adam qatysady. Túrkııa bıligi bul is-sharany ulttyq ǵarysh tehnologııalaryn nasıhattaý jáne osy saladaǵy halyqaralyq yntymaqtastyqty keńeıtý úshin paıdalanýǵa nıetti.
Buǵan deıin Túrkııa jaǵajaılaryn zańsyz paıdalanýdyń aldyn alý úshin baqylaý kúsheıtilgenin jazǵanbyz.
