Túrkııa ǵalymy Nazarbaev Ýnıversıtetinde ǵarysh salasy boıynsha konferentsııa ótkizedi

ASTANA. QazAqparat - Taıaý Shyǵys tehnıkalyq ýnıversıtetiniń (ODTÜ) professory Melahat Bilge Demırkóz «TABİP» - Túrik akademııalyq jáne ǵylymı yntymaqtastyq jobasy aıasynda Qazaqstanǵa jumys saparymen keledi. Túrkııa Respýblıkasy Prezıdenti Ákimshiliginiń qoldaýymen ıÝnýs Emre ınstıtýty tarapynan uıymdastyrylyp otyrǵan joba atalmysh eldiń ǵylymı áleýetin tanyta otyryp, baýyrlas eldiń ǵalymdary men mamandarynyń ózara yntymaqtastyǵyn arttyrýdy kózdeıdi, dep habarlaıdy QazAqparat.

«Qazirgi tańda kez kelgen damyǵan el ǵarysh salasyn beıbit maqsatta ıgerýge kóp kóńil bóledi. Bulardyń qatarynda Túrkııa memleketi de bar. Túrik elinde álemniń eń úzdik ýnıversıtetteriniń ǵaryshqa qatysty zertteý jumystaryna atsalysyp júrgen kóptegen jas mamandar men ǵalymdar bar. Solardyń biri -  Massachýsets tehnologııalyq ınstıtýty (MIT)  men Oksford sııaqty álemniń eń úzdik ýnıversıtetterinde bilim alǵan  jas professor, Shvetsııadaǵy Eýropalyq ıadrolyq zertteýler ortalyǵy CERN-degi Túrkııanyń  ókili Bilge Demırkóz hanym» delingen ıÝnýs Emre ortalyǵynyń taratqan baspasóz baıanynda.

Bilge Demırkóz ıÝnýs Emre ınstıtýtynyń qoldaýymen bıyl baýyrlas el Qazaqstannyń úsh qalasynda ǵalymdarmen jáne stýdenttermen kezdesýdi josparlap otyr.

Osy is-shara aıasynda Melahat Bilge Demırkóz Astanadaǵy ıÝnýs Emre atyndaǵy túrik mádenıet ortalyǵynyń uıymdastyrýymen 2018 jyldyń 24 qyrkúıeginde Nazarbaev Ýnıversıtetinde stýdentter men ǵalymdarǵa arnap konferentsııa ótkizbek.  Konferentsııanyń taqyryby: «Túrkııada ǵaryshtyq radıatsııa testerin jasaý jobasy: CERN-men yntymaqtastyq».  Іs-shara 24 qyrkúıekte Túrkistan qalasyndaǵy Qoja Ahmet ıAsaýı atyndaǵy Halyqaralyq qazaq-túrik ýnıversıtetinde jáne 28 qyrkúıekte osy ýnıversıtetke qarasty Eýrazııalyq zertteý ınstıtýtynda jalǵasyn tabady.

«Konferentsııalar úshin ǵalymnyń Qazaqstandy tańdaýy da beker emes. Óıtkeni, Qazaqstan - ǵaryshqa jol salǵan, ǵarysh ındýstrııasy damyp kele jatqan el. Qazaqstan 1993 jylǵy aqpan aıyndaǵy Memleket basshysy Nursultan Nazarbaevtyń Jarlyǵyna sáıkes ǵarysh salasyn damytýǵa arnalǵan ókiletti organ - «Qazǵarysh» ordaly úlken bir uıymǵa aınalyp úlgirdi. Sondyqtan Astanada ǵalymdar men qarapaıym oqyrmandardy 24 qyrkúıekte saǵat 12.00-de Nazarbaev Ýnıversıtetinde ótetin osy sharaǵa kútemiz» - delingen baspasóz baıanynda.

Ǵylym doktory, professor Melahat Bilge Demırkóz 1997 jyly Ystanbuldaǵy Amerıka Robert kolledjin bitirgennen keıin Massachýsets tehnologııalyq ınstıtýtynda oqyǵan. 2004 jyly Massachýsets tehnologııalyq ınstıtýtynyń magıstratýrasyn támamdady. 2007 jyly Oksford ýnıversıtetiniń fızıka bóliminde doktorantýrany bitirip, 2009 jylǵa deıin Shvetsııadaǵy Eýropalyq ıadrolyq zertteýler ortalyǵy CERN-de zertteý jumystarymen aınalysty.

Bilge Demırkóz - qazirgi tańda Taıaý Shyǵys tehnıkalyq ýnıversıteti fızıka bóliminde professor. Sondaı-aq Túrkııa Respýblıkasy Damý mınıstrliginiń qoldaýymen «Bólshek radıatsııasy quraý laboratorııasy» dep atalatyn ınnovatsııalyq materıal men elektronıkterdi ǵaryshta ushyraıtyn radıatsııalardy jerde testileý jobasynyń jetekshisi qyzmetin qosa atqarady.