Túrkııa «Formýla-1» kezeńin alty jyldan keıin qaıta qabyldaıdy
ASTANA. KAZINFORM — 2027 jylǵy «Formýla-1» álem chempıonatynyń kúntizbesi jarııalandy, dep habarlaıdy Anadoly.
Túrkııa Gran-prıi Ystanbulda 1-3 qazan aralyǵynda ótedi. Bul týraly Túrkııa avtomobıl sporty federatsııasy (TOSFED) málimdedi.
Alty jyldyq úzilisten keıin «Formýla-1» kúntizbesine qaıta engen Túrkııa Gran-prıi 2027 jylǵy 1-3 qazan aralyǵynda «Istanbýl Park» avtodromynda uıymdastyrylady.
Kezeń 1 qazan, juma kúni jattyǵý jarystarymen bastalady. Al 2 qazan, senbide irikteý kezeńi ótedi.
Málimdemede Túrkııa Gran-prıine bılet alǵysy keletinder jarystyń resmı saıtynda aldyn ala tirkele alatyny aıtylǵan.
Sondaı-aq kezeńdi uıymdastyrýǵa qatysty resmı aqparat osy saıtta jarııalanady.
Buǵan deıin «Formýla-1» Bahreın Gran-prıin Malaızııada ótkizetinin jazǵan bolatynbyz.
