Túrkııa EXPO-2016 kórmesine qyzý daıyndalyp jatyr
ASTANA. QazAqparat - Túrkııa bıyl sáýir men qazan aılarynyń aralyǵynda Antalıa qalasynda ótetin EXPO-2016 halyqaralyq kórmesine qyzý daıyndyq júrgizýde.
Taıaýda kórmeni uıymdastyrý komıteti qurylys nysandarynyń merziminen buryn tapsyrylýy úshin onda jumyldyrylǵan jumysshylardyń sanyn eki esege ósirip, 3 myńǵa jetkizý jóninde sheshim qabyldady. EXPO-qalashyqta Baspasóz ortalyǵy boı kóterdi, dep habarlaıdy 24.kz.
Esterińizge sala keteıik, Antalıada EXPO-2016 kórmesi «Gúlder men balalar» taqyrybynda ótedi. Oǵan álemniń 100-ge jýyq memleketinen 8 mıllıondaı týrıst pen 30-dan astam halyqaralyq uıym ókilderi qatysýy tıis.
«EXPO-qalashyqta qurylys bir sátke de toqtamaı, táýlik boıy qarqyndy júrýde. Eshqandaı kedergilerimiz joq, demek barlyǵy jospar boıynsha iske asyp keledi. Halyqaralyq kórmeniń ashylýyna 4 aıdaı ýaqyt qaldy. Soǵan qaramastan negizgi degen ǵımarattardyń qurylysy aıaqtalýǵa jaqyn. Mysaly, 1 sáýirde úlken munara men konferentsııa ortalyǵy paıdalanýǵa beriledi. EHRO halyqaralyq kórmesi elimizde tuńǵysh márte ótkeli jatyr. Álemdik mańyzy zor sharany joǵary deńgeıde uıymdastyrý biz úshin úlken abyroı bolmaq. Ondaǵy maqsatymyz Túrkııaǵa kóptep týrısterdi tartý jáne mádenıetimizdi búkil elge tanytý bolyp tabylady», deıdi Túrkııanyń azyq-túlik, aýyl jáne mal sharýashylyǵy mınıstri Farýk Chelık.
