Túrkııa «Eýrovıdenıe-2013» baıqaýyna qatysýdan bas tartty
ASTANA. 18 jeltoqsan. QazAqparat - Túrik án oryndaýshylary «Eýrovıdenıe-2013» baıqaýyna qatyspaıdy. Baıqaýǵa qatysýdan bas tartýǵa qazylar alqasy men telekórermenderdiń teń dárejede daýys berý arqyly jeńimpaz tańdalatyn kezde kórermenderdiń daýystarynyń azaıýy sebep boldy.
Sonymen birge túrikter Eýropa aqparat taratý odaǵynyń áriptesteri sanalatyn GFR, Frantsııa, Ulybrıtanııa, Ispanııa jáne Italııa syndy memleketterdiń ókilderi aqtyq márege «ádiletsiz» shyǵady dep shaǵymdanýda.
Polsha, Portýgalııa, Bosnııa jáne Gertsogovına, Chehııa, Lıýksembýrg, Lıhtenshteın, Grekııa, Kıpr jáne Slovakııa memleketteri qarjyǵa baılanysty baıqaýǵa qatysýdan bas tartty.
Aıta keteıik, árbir memleket baıqaýǵa qatysý úshin shamamen 100 myń fýnt somasynda qarajat tóleıdi. Qazirgi ýaqytta shvedtiń Malme qalasynda ótetin baıqaýǵa 39 memleket qatysýǵa ótinish bildirdi.
Eske sala keteıik, Malme qalasynda 664 myń turǵyn turady. «Eýrovıdenıe» baıqaýy bul qalada ekinshi ret óteıin dep tur. Birinshisi 1992 jyly ótken bolatyn.
