Túrkııa energetıkada halyqaralyq yntymaqtastyqty nyǵaıtady

ASTANA. KAZINFORM — Túrkııanyń Energetıka jáne tabıǵı resýrstar mınıstrligi Türkiye Petrolleri Anonim Ortaklığı (TPAO) memlekettik munaı korporatsııasy jáne brıtandyq BP kompanııasymen kómirsýtekterdi birlesip óndirý týraly kelisimdi aıaqtap jatyr, dep habarlaıdy Kazinform menshikti tilshisi. 

Qujat yntymaqtastyqty Túrkııa aýmaǵynda — eń aldymen Qara jáne Jerorta teńizderinde, sondaı-aq halyqaralyq alańda kózdep otyr. Másele munaı jáne gaz ken oryndaryn birlesip barlaý jáne ıgerýge qatysty. 

BP-men jasalǵan kelisim Ankaranyń sońǵy kezdegi úshinshi iri energetıkalyq kelisimi bolmaq. Aqpan aıynyń basynda TPAO Chevron kompanııasymen osyndaı jahandyq birlesken barlaý týraly kelisimge qol qoıdy. 

Ótken jazda túrik memlekettik kompanııasy ExxonMobil kompanııasymen Qara jáne Jerorta teńizderindegi jańa jobalar boıynsha memorandýmǵa qol qoıdy.

Tereń sý jobalaryn júzege asyrý úshin TPAO floty alty burǵylaý jáne eki zertteý kemesine deıin keńeıtildi. Budan basqa, kompanııa ósip kele jatqan ınvestıtsııalyq baǵdarlamasyn qarjylandyrý úshin sýkýk (oblıgatsııalardyń ıslamdyq balamasy dep atalatyn sharıǵat elderinde keń taralǵan qarjy quraly) shyǵarý arqyly 4 mlrd dollar jınaý josparyn jarııalady.

Osyǵan deıin Túrkııa energetıkalyq qýattardyń ósimi boıynsha Eýropada kóshbasshy atanǵanyn jazdyq.