Túrkııa eldegi tótenshe jaǵdaı rejimin taǵy 3 aıǵa sozdy
ASTANA. QazAqparat - Anadolu aqparat agenttiginiń habarlaýynsha, Túrkııa parlamentiniń sheshimimen, 19 qańtardan bastap, eldegi tótenshe jaǵdaı rejimi taǵy úsh aıǵa sozylady.
Eske sala ketsek, 2016 jyldyń shilde aıynda memlekettik tóńkeris jasaý áreketinen soń atalmysh elde TJ rejimi engizilgen edi. Negizgi tártipsizdikter Ankara men Ystanbul qalalarynda boldy. Saldarynan 240 túrik azamaty mert bolyp, 2 myńnan astamy jaralandy. Myńdaǵan adam tutqyndaldy. Túrkııa bıligi áskerı tóńkeristi uıymdastyrýǵa oppozıtsııalyq dinı ýaǵyzshy, 1999 jyldan beri Pensılvanııada turatyn Fethýllah Gúlenniń qatysy baryn málimdep, AQSh-tan ony ekstradıtsııalaýdy surady.
