Túrkııa BUU-nyń COP31 klımattyq konferentsııasyn alǵash ret ótkizip otyr
ASTANA. KAZINFORM – BUU-nyń COP31 klımattyq konferentsııasy búgin, 9 qarashada Antalıa qalasynda bastalady. Halyqaralyq forým alǵash ret Túrkııada ótkizilip otyr. Kezdesýler men kelissózder 20 qarashaǵa deıin jalǵasady, dep habarlaıdy Anadolu agenttigi.
Túrkııanyń Qorshaǵan orta, ýrbanızatsııa jáne klımattyń ózgerýi mınıstrliginiń málimetinshe, konferentsııaǵa 102 memlekettiń basshysy men 300-den astam mınıstr qatysatynyn rastaǵan. Jalpy, forýmǵa 196 el men Eýropalyq odaqtyń delegatsııalary keledi dep kútilip otyr.
Memleket jáne úkimet basshylarynyń sammıti 11–12 qarashada «Kók aımaqta» (Blue Zone) ótedi. Oǵan Túrkııa prezıdenti Rejep Taııp Erdoǵan tóraǵalyq etedi. Qabyldaýshy tarap atynan COP31 konferentsııasynyń jumysyna Qorshaǵan orta, ýrbanızatsııa jáne klımattyń ózgerýi mınıstri Murat Kýrým jetekshilik etedi.
Kelissózderdiń negizgi taqyryptary taza energetıkaǵa kóshý, azyq-túlik qaýipsizdigi, klımattyń ózgerýine tózimdi qalalardy damytý, jasyl ındýstrııalandyrý jáne qaldyqtardy azaıtý máseleleri bolmaq. Qatysýshylar muhıttar men teńizderdi qorǵaý, sondaı-aq densaýlyq saqtaý júıeleriniń klımattyq ózgeristerge tózimdiligin arttyrý máselelerin de talqylaıdy.
Túrkııa konferentsııa barysynda naqty nátıjelerge qol jetkizýge basymdyq bermek. Qabyldaýshy tarap usynǵan «Іs júzindegi áreketterge baǵyttalǵan COP» tujyrymdamasy klımat salasyndaǵy mindettemelerden naqty jobalar men sheshimderge kóshýdi kózdeıdi.
Konferentsııa ótkizý úshin 1,1 mıllıon sharshy metr aýmaq daıyndalǵan. Ol eki bólikke bólingen. «Kók aımaqta» memlekettik delegatsııalar men halyqaralyq uıymdardyń qatysýymen resmı kelissózder ótedi. Al «Jasyl aımaqta» bıznes, ǵylym, qoǵamdyq uıymdar men jastar ókilderi óz jobalary men sheshimderin tanystyrady.
Uıymdastyrýshylar «Kók aımaqqa» shamamen 100 myń, al «Jasyl aımaqqa» 1,5 mıllıonǵa deıin kelýshi keledi dep boljap otyr. Budan bólek, konferentsııaǵa qatysý úshin 154 elden 45 myńnan astam klımattyq erikti tirkelgen.
Túrkııa COP31 aıasynda tanystyratyn bastamalardyń qatarynda «Nóldik qaldyq» baǵdarlamasy jáne 6 aqpandaǵy jer silkinisinen zardap shekken 11 provıntsııada klımattyq ózgeristerge tózimdi 455 myń úı salý jobasy bar.
Kelissózderden bólek, konferentsııa baǵdarlamasyna ekologııalyq, bilim berý jáne mádenı is-sharalar, turaqty damý, bıoalýantúrlilikti saqtaý jáne qaldyqtardy azaıtý taqyryptaryndaǵy kórmeler men tanystyrylymdar engizilgen.
Jeke bólim turaqty gastronomııaǵa arnalady. Qonaqtarǵa Túrkııanyń jeti óńiriniń aspazdyq dástúrleri tanystyrylady.
Aıta keteıik, Qazaqstan Túrkııadaǵy COP31 konferentsııasy aıasynda yntymaqtastyq týraly 28-ge jýyq qujatqa qol qoıýdy josparlap otyr.
Sondaı-aq COP31 aıasynda Qazaqstan QaJET platformasyn iske qosýǵa daıyndalyp jatqanyn jazdyq.
