Túrkııa Bosfor buǵazyn japty

ASTANA. QazAqparat - Túrkııa bıligi seısenbi, 8 qańtar kúni tolassyz jaýǵan qar men joldyń kórinbeýi saldarynan kemeler ótetin Bosfor buǵazyn japty. Bul týraly QazAqparat GAC Shipping Turkey port operatoryna silteme jasap habarlaıdy.

Atalyp ótilgendeı, ázirge buǵaz arqyly kemelerdiń qozǵalysyna qashan ruqsat etiletini belgisiz.

Bosfor jáne Dardanell buǵazdary - Qara teńiz porty arqyly munaı men astyq eksporttalatyn mańyzdy tranzıttik núkte. Jyl saıyn olar arqyly 120 mln tonna munaı men munaı ónimderi tasymaldanady.