Túrkııa bıligi YouTube-ni jabý týraly sheshimin joıdy
ASTANA. QazAqparat - Túrkııanyń Telekommýnıkatsııa departamenti seısenbi kúni óziniń resmı saıtynan YouTube beıneservısin jabý týraly sheshimin alyp tastady.
Portal birneshe saǵattan soń iske qosylýy tıis, dep habaralaıdy RIA "Novostı".
YouTube-ge qoljetimdilikti túrik bıligi 27 naýryzda Túrkııanyń áleýetti qurylymdarynyń joǵary laýazym ókilderiniń Sırııaǵa yqtımal áskerı basqynshylyq máselesi talqylanyp jatqan kezdesýi týraly beıne jazba salynǵannan keıin bloktaǵan bolatyn. Budan sál buryn, 21 naýryzda sot sheshimimen Twitter jabylǵan edi.
Eldiń Konstıtýtsııalyq soty 2 sáýirde Twitter-di jabý týraly sheshim shyǵardy, 29 mamyrda YouTube-ge qatysty da osyndaı sheshim qabyldandy.
Taıaý ýaqytta servıs Túrkııa aýmaǵynda iske qosylatyn bolady dep kútilýde. Eldiń Premer-mınıstri Redjep Taııp Erdogan áleýmettik jelilerdiń jabylý yqtımaldyǵy týraly birneshe ret eskertken. Onyń pikirinshe, osy resýrstardyń kómegimen memlekettik qupııalar jarııa bolýda, jeke ómirge aralasý da oryn alyp keledi.
