Túrkııa bıligi memlekettik rámizderden Atatúriktiń beınesin alyp tastaýǵa sheshim qabyldady
ASTANA. 7 qarasha. QazAqparat - Túrkııanyń Prezıdenti Abdýlla Gúl memlekettik tós belgiler, beıneleme men eltańbaǵa ózgerister engizdi.
AZE.az habarlaýynsha, eski jáne jańa beınelemeniń ereksheligi - jańa medaldar men ordenderde Túrkııa Respýblıkasy belgisiniń (TS) qysqartylýy. Sonymen birge, ordender men medaldardan Túrkııa Respýblıkasynyń birinshi prezıdenti Atatúriktiń beınesi alynyp tastalady. Onyń ornyna memlekettik tósbelgilerde jarty aı men juldyzdar beınesi belgilenedi.
Sondaı-aq, 8 qazan kúni bıliktegiler oqýshylardyń ant berýin toqtatqan bolatyn. Osyǵan deıin 80 jylǵa jýyq ár dúısenbi saıyn mektep oqýshylary bir qatarǵa turǵyzylyp, Atatúriktiń qola músini aldynda «óz maqsattaryna jetý úshin tynbaı eńbek etetindikterine» ant berip keldi, dep jazady Rosbalt.
